Basa Bambam dipake anna dipa’tulasam illaam sanaka-naka Kecamatan illaam paluäna Kabupaten Mamasa anna Kabupaten Mamuju, Sulawesi Barat. Yolona, basa Bambam tä'pi si nasangai tau "basa Bambam", sapo' biasa si nasangai "Basata". Anna deem siam duka' si napakonai tondä'na, susinna: basa Ulu Mambi, basa Minanga, basa Saludengem, basa Hantebulabam, basa Mebalaam, basa Salumokanam, anna senga'-senga'na. Moinna anna deem alla'na basana simesa-mesa tondä' to umpake basa Bambam, sapo' ia too tä' siam buda, anna si naissam siam umpekalembasam basana solana. Iam too anna deemmi mesa basa to umpamesa ingganna basa lako simesa-mesa tondä', diuaam: BASA BAMBAM.
