Pemasiä’na diona saki korona (Virus Corona/COVID-19)

ilustrasi_virus_corona_sumber_google.com
Gambahanna Virus Corona 

Sumber: Google.com

Aka indo diuaam saki korona (virus corona)? Indo diua saki korona, sallaoam kasalle kummam mala umpakende’ ma’hupa-hupa saki. Mengkalao dio tokko’, moheam sule lako saki kahha’ susinna: kämbä illaam kollä-kollä, kämbä bälä, saki SARS (saki korona siam duka’ kende’ yolona), anna saki MERS, (saki korona siam duka’ kende’ yolona).  

Maaka susi saki korona paleleam? Inde saki korona lako hupatau biasanna mesa tau ullelei padanna hupatau. Susi inde lalanna paleleam saki korona: muolai sumbaenna battu haka tokko’na to nahua saki ia too; siisso tau senga’ (susinna sisalama’); uhhaka’ tau baham-baham battu haka pangkakka’ to deemmi napendekke’i kummam korona, mane uhhaka’i tau pudu’, illä, battu haka mata; anna senga’-senga’na messubunna illaam mai kalena to nahua saki susi.

Maaka susi tandana ke melelei saki korona? Deem sanaka hupanna tandanna kende’ lako kale susinna: kebolä’ illä, mapi’di’ ulu, tokko’, mapi’di’ kollä-kollä, makula’, anna mangingngi’ kale. Aka tandana ke metamam saki korona (COVID-19, battu diua saki korona dadi illaam taum 2019)? Deem sanaka hupanna saki pahallu dijagai aka ia tandana ke la mehuai saki korona susinna: tokko’, makula’, anna seka’. Masimpam tau lao ma’pahessa lako tuandotto’ ke disi’dinni indo talluhupa saki.

Diaka susi dipessalaam indana melelei saki korona, aka tä’pi deem dilambi’ tungka pakulinna inde saki kahha’ susi? Simesa-mesa tau pahallu umpattinni liu kalena anna mala tä’ madomi’ natama saki korona. Diaka susi dipattinni? Bassa’ tau umpembase uwai mentalodo anna disabunni lima; tä’ tau bassa’ uhhaka’i mata, illä, battu haka pudu’ ke tä’pi tau puha umbasei lima; anna umpasikambela tau kale to masaki susi.

Share