Kada Sabatta
Kuhhu' sumanga' polepahaja sihatam sipäto’ taäkä' längäm oloNa Puang
Allataala aka pangngundu’na anna pantähänä’na lako Tim Penerjemah
Bahasa Bambam sola Hadio Ballo Mamase anna to ma’pehingngi
manontonna Hadio Ballo Mamase. Anna mane nabannei Wycliffe anna
napahessa Konsultan nasuhum mala dipadadi mesa suha’ naongei
sanaka-naka hupanna Puisi basa Bambam. Inde suha’ disangai “SANAKANAKA
HUPANNA PUISI BASA BAMBAM”.
Inde suha' malam lambi' lako pala' limanta aka pa’kamaseNa DEBATA.
Kipelau anna tabatai issinna inde suha’, anna mala tuttuam kehängäm
kapaissanganta diona puisi basa Bambam, nasuhum la tuttuam deem
lalanna taissam tapekalembasam puisi Ibrani talambi’ illaam Battakada
DEBATA.
Kiakui kiua inde suha', budapi tasipoleanna anna makambampi
kakuhänganna. Dadi kipelau lako kita pada-pada kiua, ingganna
tasipoleanna kita la umpasipoleanni anna ingganna kakuhänganna kita la
umpaganna’i, anna mala inde suha' la tuttuam mapia, susi tuli'na, teem
tono’na, la’bi-la’binna issinna.
Ma'katampasanna kipalanda’ kada kuhhu' sumanga' lako ingganna to
untuli’ inde puisi lako motondä-tondäsam illaam paluäna Pitu Ulunna
Salu to puha untolloam lupu' hesona susi dilingkaianna teem
dipikkihanninna. Susi toi duka’ lako to untuli’i tama komputer, to
umbatai muolai Hadio Ballo Mamase, to umpahessai anna to umbannei
nasuhum mala dadi inde suha' Puisi basa Bambam.
Handandam Puang Allataala untamba'kia' pada-pada.
Padam too.
Tanete, September 2020
TIM PENERJEMAH BAHASA BAMBAM
